Menningarráð Vestfjarða hefur lokið vinnu við að fara yfir styrkumsóknir vegna seinni úthlutunar ráðsins árið 2011 og ákvörðun um framlög til einstakra menningarverkefna liggur fyrir. Úthlutanir ráðsins byggjast á úthlutunarreglum sem samþykktar eru hverju sinni. Ánægjulegt að sjá hversu mörg verkefni sem fá styrki nú snúast að hluta eða öllu leyti um vinnu við listsköpun með börnum og ungmennum. Menningarstarfsemi með þessum aldurshópi var einmitt einn af þeim áhersluþáttum sem horft var sérstaklega til að þessu sinni.

Veitt eru framlög til 37 verkefna, samtals að upphæð 12.350.000.- Styrkirnir eru á bilinu 100 þúsund til 1,2 milljónir, en það var tónlistarhátíðin Við Djúpið sem fékk hæsta styrkinn að þessu sinni. Alls bárust 85 umsóknir og eins og venjulega var í þeim hópi mikill fjöldi góðra umsókna og spennandi verkefna. Menningarráð hefði gjarnan viljað veita fleiri styrki og hærri, en því miður eru fjármunir takmarkaðir. Því þarf að hafna ýmsum áhugaverðum verkefnum og svo fá margir styrkþegar nokkru lægri upphæðir en þeir óskuðu eftir. Samtals hefur Menningarráð Vestfjarða gefið vilyrði fyrir 27 milljónum í styrki til menningarverkefna á Vestfjörðum á árinu 2011.

Menningarráðið þakkar kærlega fyrir allar umsóknir sem bárust og óskar umsækjendum velfanaðar í verkefnum sínum. Næst verður auglýst eftir umsóknum snemma á nýju ári.  

Í Menningarráði Vestfjarða sitja Leifur Ragnar Jónsson formaður, Gerður Eðvarsdóttir varaformaður, Arnar S. Jónsson, Jóna Benediktsdóttir og Katrín Gunnarsdóttir. Menningarráðið sér alfarið um að fjalla um og afgreiða umsóknir.    

Styrkir til menningarverkefna við aðra úthlutun árið 2012:  

10. tónlistarhátíðin Við Djúpið - nýjar áherslur (Við Djúpið, félag) - 1.200.000.-

Aldrei fór ég suður - tónlistarhátíð á Ísafirði páskana 2012 (Aldrei fór ég suður, félag) - 800.000.-  

Skáldið á Þröm (Kómedíuleikhúsið) - 600.000.-
Frásagnasafnið (Þjóðfræðistofa og Skaftfell - menningarmiðstöð Austurlands) - 600.000.-
Vestfirskar þjóðsögur í nútímabúning - söngleikur fyrir börn (Vestfirska skemmtifélagið) - 600.000.-  

Baunagrasið - Aqustic tónlistarhátíð á Bíldudal (Gísli Ægir Ágústsson) - 500.000.-
Bjálfansbarnið og bræður hans (Kómedíuleikhúsið) - 500.000.-

Fjörulalli og hafmaður í fullri stærð (Félag áhugamanna um skrímslasetur) - 400.000.-
Kynnumst tónlistararfinum (Tónlistarskóli Ísafjarðar) - 400.000.-
Smiðjan. Listsköpun og sjálfstyrking unglinga (Matthildur Helgadóttir Jónudóttir og Auður Ólafsdóttir) - 400.000.-
WAF - Westfjord Art Fest (Litli Vísir ehf) - 400.000.- Smalaraunir (Sauðfjársetur á Ströndum) - 400.000.-

Fjallkonan frá Dýrafirði (Sögumiðlun ehf) - 300.000.-
Sumarleikhús barnanna Vestfjörðum (Þröstur Leó Gunnarsson) - 300.000.-
Farandmyndahátíðin - Flækja (Þjóðfræðistofa) - 300.000.-
Hjólabókin: Vestfirðir (Ómar Smári Kristinsson) - 300.000.-
Sjóræningjaskólinn (Sjóræningjahúsið) - 300.000.-
Tíu þjónar og einn í sal (Leikfélag Patreksfjarðar) - 300.000.-
Húmorsþingið - Vetrarhátíð á Ströndum (Þjóðfræðistofa) - 300.000.-
Sambahátíð - listahátíð til styrktar listasafni Samúels Jónssonar að Brautarholti í Selárdal (Félag um endurreisn listasafns Samúels Jónssonar í Selárdal) - 300.000.-  

Martinus Simson, yfirlitssýning á ljósmyndum (Sigurður Gunnarsson) - 250.000.-  

Menningarminjakort fyrir Skálavík (Náttúrustofa Vestfjarða) - 200.000.-
Rafræn myndlistarsýning Muses.is á Ísafirði (Rakel Sævarsdóttir) - 200.000.-
Heklumót 21.-23. apríl 2012 (Karlakórinn Ernir) - 200.000.-
Ungmenni á Vestfjörðum (Einar Bagi Guðmundsson) - 200.000.-
Saga í myndum - Sögusýning í Einarshúsi (Einarshúsið ehf) - 200.000.-
Hvítabjörn í heimsókn (Melrakkasetur Íslands) - 200.000.-
Óperettudrottningin Sigrún Magnúsdóttir - sögusýning (Ópera Vestfjarða) - 200.000.-
Vestfirska leikárið 2011-2012 (Act Alone) - 200.000.-
Allt á kafi (Tómstunda-, íþrótta- og menningarmálanefnd Strandabyggðar) - 200.000.-
Tónleikaferð í Strandasýslu og á Reykhóla (Kvennakór Ísafjarðar) - 200.000.-
Vestfirsk ljóð með augum myndlistarmannsins (Marsibil G. Kristjánsdóttir) - 200.000.-
Skelin - Menningardagskrá veturinn 2011-2012 (Þjóðfræðistofa) - 200.000.-
Abbanana - geisladiskur með lögum og textum eftir Ástvald og Hafliða frá Bíldudal (Leikfélagið Baldur Bíldudal) - 200.000.-  

Sjómannslíf - Ljósmyndasýning (Eyþór Jóvinsson) - 100.000.-
Falinn kvikmyndafjársjóður á Vestfjörðum (Eysteinn Guðni Guðnason) - 100.000.-
Sumartónleikar í kirkjum á Vestfjörðum (Ólafur Gestur Rafnsson) - 100.000.-  
 

Menningarráð Vestfjarða glímir nú við að fara yfir umsóknir vegna seinni úthlutunar árið 2011. Búast má við að svör liggi fyrir í byrjun næstu viku og verður þá send út fréttatilkynning um styrki.

Jón Jónsson menningarfulltrúi Vestfjarða er á leiðinni til Kanada þar sem hann mun taka þátt í ráðstefnunni Culture, Place & Identity at the Heart of Regional Development. Hægt er að fræðast um ráðstefnuna á þessari slóð www.naf2011.com. Jón verður án símasambands að mestu í reisunni, en hægt er að skrifa tölvupóst á menning@vestfirdir.is til að hafa samband við Menningarráðið.

Nú er runninn út frestur til að sækja um stuðning frá Menningarráði Vestfjarða fyrir seinni úthlutun 2011. Nú tekur Menningarráðið við og fer yfir umsóknir og ákveður hvaða verkefni fá stuðning að þessu sinni. Vænta má að niðurstaða ráðsins liggi fyrir í nóvember og þá verði styrkjum úthlutað.

Menningarráð Vestfjarða auglýsir eftir umsóknum um styrki til menningarverkefna á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum.
 
Áherslur við seinni úthlutun 2011

Hægt er að sækja um stuðning við hverskyns menningarverkefni, svo framarlega sem umsókn eða verkefni stangast ekki á við úthlutunarreglur sem samþykktar eru við hverja úthlutun. Umsóknir og verkefni eru hverju sinni borin saman á samkeppnisgrundvelli.

Menningarráð Vestfjarða hefur ákveðið að við seinni úthlutun ársins 2011 verði horft sérstaklega til verkefna sem uppfylla eitt eða fleiri eftirtalinna atriða: 
 

# Verkefni sem efla samstarf á sviði menningarmála á Vestfjörðum.

# Verkefni sem stuðla að nýsköpun og fjölbreytni í menningartengdum verkefnum.

# Verkefni sem fjölga atvinnutækifærum á sviði menningar.

# Menningarstarfsemi sem styður við ferðaþjónustu.

# Verkefni sem stuðla að þátttöku barna og unglinga í listsköpun og menningarstarfi.

  
Umsóknarfrestur er til miðnættis fimmtudaginn 6. október. Úthlutun fer fram í nóvember. 
  
Umsóknum skal skilað til Menningarráðs Vestfjarða á til þess gerðu eyðublaði eða í gegnum umsóknarform hér á vefnum undir tenglinum Styrkir. Umsækjendur eru eindregið hvattir til að kynna sér úthlutunarreglur Menningarráðs á sama stað. Vakin er athygli á þeirri breytingu að fylgiskjöl með umsóknum eru afþökkuð, allt sem skiptir máli á að koma fram í umsókninni sjálfri.
 
Allar nánari upplýsingar veitir Jón Jónsson menningarfulltrúi Vestfjarða í síma 891-7372 eða í netfanginu menning@vestfirdir.is.