miðvikudagurinn 7. nóvember 2007

Dagsetningar viðburða 2008

Kvennahlaup á Furðuleikum á Ströndum
Kvennahlaup á Furðuleikum á Ströndum
Nú er kominn sá tími að gott er að búið sé að ákveða dagsetningar fyrir atburði og uppákomur næsta sumar, þannig að auðveldara verði að markaðssetja. Þetta á ekki síst við um stóra árvissa viðburði sem nauðsynlegt er að ákveða með miklum fyrirvara. Í fréttatilkynningu frá Upplýsingamiðstöð Vestfjarða á Ísafirði segir að þrír aðilar hafi haft samband og beðið um yfirlit yfir stóra eða árvissa viðburði á Vestfjörðum á næsta ári, útgefendur Á ferð um Ísland, Big Map of Iceland og Símaskrárinnar. Skráning atburða í atburðadagatal hjá öllum þessum aðilum er ókeypis. 
 
Upplýsingamiðstöðin á Ísafirði aðstoðar þá sem senda til hennar upplýsingar um viðburði við að koma þeim á framfæri. Á þessu stigi er fyrst og fremst verið að hugsa um nafn viðburðar, staðsetningu, dagsetningu, netfang eða símanúmer ábyrgðaraðila, vefsíðu ef við á og svo stutta lýsingu, bara eina eða tvær setningar. Þeim sem vilja vinna faglega að markaðssetningu og viðburðastjórnun er því bent á að senda upplýsingar sem allra fyrst í netfangið info@vestfirdir.is og að sjálfsögðu ættu þeir líka að senda afrit á menning@vestfirdir.is ef um menningarviðburð er að ræða. Þá getur Menningarráð og menningarfulltrúinn líka aðstoðað við útbreiðslu fagnaðarerindisins eftir því sem færi gefast.  

Valmynd

Fréttirnar

Póstlisti


Atburðir

« Maí 2012 »
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Næstu atburðir

Myndirnar

Vefumsjón