mánudagurinn 11. ágúst 2008
Hátíðisdagur í Ólafsdal
Rögnvaldur Guðmundsson og Einar K. Guðfinnsson ráðherra handsala viljayfirlýsinguna
Það var sannkallaður hátíðisdagur í Ólafsdal við sunnanverðan Gilsfjörð þann 10. ágúst þegar Ólafsdalshátíð fór fram. Þar skrifaði Einar K. Guðfinnsson landbúnaðarráðherra undir viljayfirlýsingu fyrir hönd ríkisvaldsins um að afhenda staðinn Ólafsdalsfélaginu, nýstofnaðri sjálfseignarstofnun sem hyggst beita sér fyrir endurbótum í Ólafsdal og uppbyggingu fræðaseturs og menningartengdrar ferðaþjónustu. Menningarfulltrúi Vestfjarða, Jón Jónsson, var meðal þeirra sem tóku til máls á hátíðinni og hélt erindi sem bar yfirskriftina Ólafsdalur - sögustaður sem skiptir máli.
