Jón Jónsson þjóðfræðingur á Kirkjubóli við Steingrímsfjörð á Ströndum er menningarfulltrúi Vestfjarða. Hann er með skrifstofuaðstöðu í Þróunarsetrinu á Hólmavík þar sem Menningarráð Vestfjarða er til húsa. Jón er með MA-próf í þjóðfræði frá Háskóla Íslands og hefur starfað að margvíslegum menningarverkefnum víða um land, ráðgjöf og ritstörfum, sýningarhönnun og safnamálum, í gegnum tíðina. Jón  var stundakennari í þjóðfræði við Háskóla Íslands og framkvæmdastjóri eigin fyrirtækis, Sögusmiðjunnar, áður en hann hóf störf sem menningarfulltrúi.